Црна Гора поведе, Македонија победи во меч од квалификациите за ЕП 2021 за фудбалери до 21 година. Конечни 2:1 за избраниците на Благоја Милевски во Подгорица за преземање на лидерската позиција во групата 6 со 6 бода колку што има и Шпанија.
Домашните поведоа со голот на Мерис Скендеровиќ, напаѓач на Јена, во 10 минута на што „црвено-жолтите“ надежи возвратија со два погодија на Јани Атанасов. Играчот на Бурсаспор израмни во 14. минута, а во 33. минута беше сигурен егзекутор и на најстрогата казна.
До крај на средбата се смени само односот на силите на теренот, но не и резултатот. Македонската репрезентација во финишот остана без Милош Тошески кој во само две минути (86’ и 88’) влезе во бележникот швајцарскиот судија Кроснер што автоматски значеше црвен картон.
Македонија веќе во вторник (15 октомври) ќе игра против Казахстан во Скопје.