Шефот на руската дипломатија, Сергеј Лавров препорача до Кремљ бркање на 35 американски дипломатски претставници од Русија како одговор на санкциите од Вашингтон.
Министерството со кое раководи тој, побарало отстранување на 31 службеник од Амбасадата на САД во Москва и четворица претставници од конзуларното претставништво во Санкт Петербург.
Ова доаѓа по санкциите кои ги воведе администрацијата на Барак Обама, која вчера избрка 35 разузнавачи и службеници кои извршиле сајбер-напади за време на претседателските кампањи врз Демократскиот национален комитет (ДНК) и други политички организации.
Обама вчера им даде 72 часа на руските службеници да ја напуштат земјата.
Според Лавров, заклучоците на САД се неосновани и без докази.
„Не можеме да одговориме на ова. Ова е против законот за дипломатски односи“, порача тој.
Сега се очекуваат одлуките на новоизбраниот претседател на Америка, Доналд Трамп, кој отфрлаше секаква вина на Русија за време на својата кампања, но утрово порача дека ќе се сретне со шефовите на разузнавачките служби на САД за детално да биде запознаен со доказите и донесените одлуки на Барак Обама.