Реализаторско шоу на Иван Тричковски во дресот на АЕК Ларнака, гол и на Даниел Аврамовски за љубљанска Олимпија. Кипарскиот тим го декласира Штурм со 5:0 во реванш мечот од третото квалификациско коло за Лига Европа (ЛЕ) во кој крилниот центар на македонската репрезентација постигна хет-трик.
Тричковски го „истресе“ австрискиот бундеслигаш во осмата минута, во 67. минута и во 80. минута. Беше стартер и одигра цел натпревар за домашните кои со вкупни 7:0 се пробија во плејофот на двомеч со словачки Тренчин за место во групната фаза во ЛЕ. Останатите два гола за АЕК Ларната ги постигнаа Ларена од пенал во 63. минута и Туламесе во 86. минута.
https://www.youtube.com/watch?v=_nbLAq2qnTA
Стрелец во реванш дуелите од третото коло за ЛЕ беше и Даниел Аврамовски. Олимпија Љубљана го совлада ХЈК и во Хелсинки со 4:1 и со вкупни 7:1 продолжи во плејофот на мегдан со Спартак Трнава од Словачка. Репрезентативецот на Македонија беше во стартниот тим на словенечкиот претставник, ги одигра сите 90 минути, а противничката мрежа ја погоди во 72. минута.
Стеауа во екстра времето го порази Хајдук на Ивановски, Сарпсборг ја шокира Риека на Жута
Хајдук на Мирко Ивановски имаше горлива вечер во Букурешт. Стеауа славеше над сплитските „били“ со 2:1 и опстана во квалификациите за Лига Европа. Таличен за романскиот тим беше Гнохере чија реализација во третата минута од екстра времето, по лошата проценка на голманот Посавец, го реши победникот во двомечот. Истиот играч беше сигурен од белата точка во 55. минута, Саид израмни за Хајдук во 82. минута. Македонскиот интернационалец во тимот од „Пољуд“ беше во стартните 11 и од игра беше повлечен во 73. минута.
Риека доживеа шокантен пораз пред своите навивачи и се прости со европските настапи за оваа сезона. Сапрсборг го совлада хрватскиот прволигаш со 1:0 и се најави како ривал на Макаби Тел Авив во плејоф рундата. Единствениот гол на стадионот во Риека беше дело на Мортенсен во 83. минута. Поранешниот член на „црвено-жолтиот“ национален тим Леонард Жута одигра цел меч за домашната екипа.
Кукс на Валон Етеми и на Едис Малиќи остана покус за гол во реваншот со Торпедо Кутаиси. Албанскиот лигаш славеше со 2:0, но триумфот на грузискиот тим пред седум дена (5:2) се покажа како доволен за плејоф во ЛЕ. Интернационалците од Македонија се најдоа во стартниот состав на Кукс, Етеми беше повлече од игра во 52. минута, Малиќи остана докрај на терен.
Резултати од реванш мечевите во 3. коло квалификации за Лига Европа
Каират – Сигма Оломуц 1:2 (0:2)
Прогрес Нидеркорн – Уфа 2:2 (1:2)
АЕК Ларнака – Штурм 5:0 (2:0)
ХЈК Хелсинки – Олимпија Љубљана 1:4 (0:3)
Универзитатеа Крајова – Лајпциг 1:1 (1:3)
Копенхаген – ЦСКА Софија 2:1 (2:1)
Кукс – Торпедо Кутаиси 2:0 (2:5)
АПОЕЛ – Хапоел Бер Шева 3:1 (2:2)
Митјиланд – ТНС 3:1 (2:0)
Судува – Спартакс Јурмала 0:0 (1:0)
Клуж – Алашкерт 5:0 (2:0)
Жалгирис – Севилја 0:5 (0:1)
Молде – Хибернијан 3:0 (0:0)
Зенит Санкт Петербург – Динамо Минска 4:0 (0:4) – по продолженија 8:1
Луцерн – Олимпијакос 1:3 (0:4)
Макаби Тел Авив – Пјуник 2:1 (0:0)
Динамо Брест – Аполон 1:0 (0:4)
ЛАСК Линц – Бешикташ 2:1 (0:1)
Дуделанж – Легија Варшава 2:2 (2:1)
Зрињски – Лудогорец 1:1 (0:1)
Брондби – Спартак Суботица 2:1 (2:0)
Базел – Витесе 1:0 (1:0)
Аталанта – Хапоел Хаифа 2:0 (4:1)
Марибор – Глазгов Ренџерс 0:0 (1:3)
Лех Познањ – Генк 1:2 (0:2)
Гент – Јагјелонија 3:1 (1:0)
Феенорд – Тренчин 1:1 (0:4)
Рапид Виена – Слован Братислава 4:0 (1:2)
Стеауа – Хајдук 2:1 (0:0)
Партизан – Нордсјеланд 3:2 (2:1)
Розенборг – Корк Сити 3:0 (2:0)
Бордо – Мариупол 2:1 (3:1)
Барнли – Истанбул Басакшехир 0:0 (0:0) – по продолженија 1:0
Риека – Сарпсборг 0:1 (1:1)
Валур – Шериф Тираспол 2:1 (0:1)
Брага – Зорја 2:2 (1:1)
Во заграда се резултати од првите натпревари.