Челзи и Валенсија со гостински победи во првите мечеви во четврт-финалето во Лига Европа. И тоа во финишот на натпреварите против Славија, односно, Вилјареал. Сините од „Стемфорд бриџ“ го совладаа чешкиот претставник со погодокот на Маркос Алонсо во 86. минута, па преостанува само да го потврдат пласманот во полуфиналето пред своите навивачи во наредниот четврток.
https://www.youtube.com/watch?v=cvUytFojqf0
Арсенал се покажа пресилен во дуелот со Наполи. „Топчиите“ славеа над калчолигашот со 2:0 што е одлилна залиха за нив пред гостувањето на „Сан Паоло“. Арон Рамзи во 15. минута и Калиду Кулибали со автогол во 25. минута „стрелаа“ за екипата од „Емирати“.
Валенсија во шпанската пресметка триумфира над Вилјареал со 3:1 со двата гола на Вас и на Гуедес во судиското екстра време. До истекот на основните 90. минута беше нерешено (1:1) уште од 36. минута на првото полувреме кога Казорла израмни за домашните по водечкиот гол на Гуедес во шестата минута, откако промаши пенал.
Бенфика и Ајнтрахт Франкфурт го одиграа најефикасниот меч вечерва во четврт-финалето во Лига Европа. Лидерот во португалска Примеира победи со 4:2 на стадионот „Луж“ во Лисабон и во голема мера зачекори кон полуфиналето. Хет-трик постигна Жоао Феликс во 21. минута од пенал, во 43. минута и во 54. минута, четвртиот гол за домашните, нивни трет на средбата, беше дело на Рубен Диас во 50. минута. Лука Јовиќ во 40. минута и Гонзало Пасиенсија во 72. минута погодија за бундеслигашот кој од 20. минута играше со фудбалер помалку.
Лига Европа
Четврт-финале, први мечеви
Арсенал – Наполи 2:0
Бенфика – Ајнтрахт Франкфурт 4:2
Славија Прага – Челзи 0:1
Вилјареал – Валенсија 1:3