Европската фудбалска асоцијација (УЕФА) со промени во Лигата на нации од кои најголема корист ќе извлече Германија. На состанокот на Извршниот одбор во Љубљана е одлучено да останат четирите дивизии во натпреварувањето што беше воведено во 2018 година со таа разлика што бројот на учесници во А дивизијата се зголемува од 12 на 16 репрезентации.
Најголема корист од ова ќе имаат Хрватска, Германија, Полска и Исланд кои на терен не успеаја да се задржат во елитниот ранг, но, сепак, ќе останат дел од најквалитетното друштво чиј дел во второто издание ќе бидат и селекциите на Португалија, на Холандија, на Швајцарија, на Белгија, на Франција, на Шпанија, на Италија, на БиХ, на Данска, на Шведска и на Украина.
Бројот на учесници во Лига Б останува непроменет и во неа, за наредното издание на Лига на нации, ќе бидат Србија, Шкотска, Норвешка, Русија, Австрија, Велс, Чешка, Романија, Словачка, Унгарија, Турција, Северна Ирска, Израел, Бугарија, Република Ирска и Турција.
Македонската фудбалска репрезентација останува во Лига Ц заедно со Словенија, со Црна Гора, со Албанија, со Грција, со Молдавија, со Азербејџан, со Казахстан, со Естонија, со Белорусија, со Кипар, Ерменија, со Грузија, со Литванија, со Луксембург и со Косово.
Во Лига Д ќе играат само седум репрезентации – Гибралтар, Фарски Острови, Летонија, Лихтенштајн, Андора, Малта и Сан Марино.
Ждрепката за групите за наредното издание на Лига нации е закажана на 3 март во 2020 година во Амстердам каде, истовремено, ќе се одржи и Конгрес на УЕФА.