Еурофарм Работник го претрпе вториот пораз во ракометната Лига на шампиони. Савехов славеше на домашен терен со 25:24 (полувреме: 10:15) во меч од групата Ц во која битолските „фармацевти“ загубија и во неделата, пред своја публика, од Спортинг Лисабон со 29:30.
Македонскиот суперлигаш може да жали за пропуштената прилика да освои бод на гостувањто во Шведска. Го имаше последниот напад за израмнување, но брзоплетиот Вегар загуби концентрација во организацијата, направи чекор и шансата отиде во неврат.
За Сафехов, кој со просечна возраст од 21,16 години го има најмладиот тим во ЕХФ елитното натпреварување, ова е втора победа во сезоната. Еурофарм Работник, пак, кој го има четвртиот највозрасен ростер (28,23 години), во наредното коло ќе гостува во Шпанија кај екипата на Бидасоа Ирун.
Попладнево се одиграа уште два меча од второто коло во ЛШ. Динамо во Букурешт го совлада Кристијанстад со 28:25 во групата Д додека Фленсбург ја оправда фаворитската улога со Елверум и триумфира со 26:19 во натпревар од групата А.