Нешто помалку од час и половина ја дели фудбалската репрезентација на Македонија до првиот меч по пауза од два ипол месеца. На „Телеком арена“ вечерва (19,45 ч.) гостуваа селекцијата на Турција во пријателски меч пред продолжението на квалификациите за Светското првенство во Русија во 2018 година. Дуелот за „црвено-жолтите“ е прилика за дополнително загревање на атмосферата пред саботниот натпреварот против Шпанија во Скопје.
„Турција е одлична прилика за добра контрола. Очекувам да бидеме на ниво од претходните настапи, да продолжиме да ја надградуваме нашата игра и да бележиме позитивни резултати. Фудбалот се игра за победи без разлика дали мечевите се пријателски или квалификациски. Тоа е опција за нас и вечерва пришто посакувам да имаме и поддршка од трибините“, изјави Игор Ангеловски, селектор на македнскат репрезентација, пред тестот со турскиот национален тим.
Ангеловски нема проблеми со повредени фудбалери. Може да смета на сите повикани од списокот и се надева на добра игра и резултат како најава за спектаклот што е следува викендот против „црвената фурија“.
Еден од адутите во нападот, секако, ќе биде Илија Несторовски кој, од личен аспект, зад себе има добра сезона во дресот на Палермо. Сицилијанците не успеаја да обезбедат опстанок во Серија А меѓутоа репрезентативецот на Македонија со 11 гола беше прв стрелец на екипата од „Ренцо Барбера“. Гол ефектот на клупски план се надева дека ќе го потврди и во „црвено-жолтиот“ дрес вечерва.
„Добро работевме изминатите денови и мислам дека добро сме подготвени. Пристапот за секој меч останува сериозен бидејќи секој меч е важен за нас. Сакаме да продолжиме со низата на победи од март и со уште една да го дочекаме мечот со Шпанија“, порача Несторовски.