Вардар и Шкендија по четврти пат одиграа без победник во осумте последни дуели во Првата фудбалска лига. Овојпат на стадионот „Борис Трајковски“ во дербито на 28. рунда, епитет што не беше оправдан според настаните на теренот со скопската населба Маџари. Тетовци го одбележаа првото полувреме, создадоа неколку прилики за гол преку Агим Ибраими, Самир Фазли и Стенио Жуниор, вардарци во второто полувреме се заканија преку Вилијан Лира и Матеј Цветаноски, но почетните нули останаа актуелни и на крајот.

Македонија Ѓ.П и Академија Пандев одиграа 1:1, исход што беше конечен и во Струмица меѓу Беласица и Победа. Шкупи го совлада Силекс со 2:1 додека Работнички во Тетово ја порази Ренова со 2:1 за втор триумф на „црвените“ од Градски парк во низа, откако и во минатото коло, со идентичен резултат и три бода замина од Чаир.

Прва лига, 28 коло

Резултати

Вардар – Шкендија 0:0

Ренова – Работнички 1:2

Шкупи – Силекс 2:1

Македонија Ѓ.П. – Академија Пандев 1:1

Беласица – Победа 1:1

Табела: Шкендија 63 бода, Вардар 51, Академија Пандев 47 (-1), Работнички 39, Ренова 36, Шкупи 36, Македонија ЃП 34, Силекс 28, Беласица 24, Победа 20 (-1).

Идно коло (21 април): Вардар – Ренова, Силекс – Работнички, Шкендија – Македонија Ѓ.П., Победа – Шкупи, Академија Пандев – Беласица.