Францускиот претседател Емануел Макрон му предложи на неговиот турски колега Реџеп Таип Ердоган “партнерство” на Турција со ЕУ наместо полноправно членство.
“Да видиме дали има начин да најдеме нов пристап за односите но не во рамките на процес за интергација туку како соработка, партнерство со финална цел а таа е да се сочува сидрото на Турција и на турскиот народ во Европа и таа да ја градуи нејзината иднина гледајќи кон Европа заедно со Европа”, изјави Макрон по денешната средба во Париз со Ердоган.
“Јас би сакал да направиме повеќе заедно и сидрото на Турција да остане цврсто во Европа но мислам дека процесот на зачленување така како што беше отворен нема да биде завршен во наредните години”, вели Макрон. Тој додаде дека е јасно дека неодамнешниот развој на настаните не дозволува било каков напредок во започнатиот процес мислејќи на бројните кршења на човековите права во Турција.
За Макрон, треба да се стави крај на хипокризијата која се состои од ставот дека природен напредок кон отворање нови поглавија во преговорите за членство е можно. Тој исто така рече дека денес имал “многу искрен разговор” со Ердоган.
На ова Ердоган одговори дека неговата земја е “уморна” од чекање можно членство во ЕУ.
“Веќе 54 години Турција чека на влезот на ЕУ и не можеме ние постојано молиме за влез во ЕУ”, рече Ердоган потсетувајќи дека досега биле отворени 16 преговарачки поглавија помеѓу ЕУ и Турција од вкупно 35 и дека тие 16 поглавија никогаш не биле затворени.
“Мислам дека ЕУ не работела секогаш како што треба со Турција и оставила да се верува дека работите се можни додека истовремено било јасно дека тоа не била целата вистина”, изјави Макрон.