Меј: Ратификацијата на Договорот од Преспа е историски момент за Македонија

Позитивното гласање за Преспанскиот договор е историски момент за Македонија. Честитки до македонскиот Парламент и до Владата на премиерот Зоран Заев, напиша на Твитер британската премиерка, Тереза Меј.

Македонското Собрание вчера со двотретинско мнозинство од 81 пратеник ги усвои уставните измени што произлегуваат од Договорот од Преспа за решавање на спорот за името. Македонската страна ја исполни својата обврска од договореното, а сега на потег е грчкиот Парламент да го ратификува Договорот, со што ќе се отвори патот за интегрирање на земјава во ЕУ и НАТО.