Суперѕвездата на Аргентина, Лионел Меси, објави дека нема да се откаже од националниот тим по триумфот на Светското првенство во 2022 година. 35-годишниот фудбалер ја има најголемата заслуга што Аргентина по трет пат ја освои светската титула првак во фудбал, победувајќи ја синоќа Франција во финалето на Купот.

„Нема да се откажам од репрезентацијата. Сакам да продолжам да играм како шампион“, најави Меси по финалето. „Успеавме на луд начин. Многу го посакував овој трофеј и знаев дека Господ ќе ми го даде. Имав чувство дека тоа ќе се случи на таков начин, сега треба да уживаме. Погледнете колку е убав трофеј. Страдавме многу, но успеавме. Едвај чекам да се вратиме во Аргентина и да видиме колку ќе биде лудо таму“, додаде седумкратниот освојувач на „Златната топка“.

Својата радост ја искажа и аргентинскиот голман Емилијано Мартинез, кој имаше клучни интервенции во успехот. „Многу настрадавме, израмнија со два лоши шута, па им зададоа уште еден пенал. Потоа си ја завршив работата, фала богу. Сонував за тоа, не можеше да биде подобро Светско првенство. Бев спокоен при шутирањето на пеналите“, изјави Мартинез.

Извор: Новински агенции