Согласно последните мерења и континуираните мерења на јавното мислење повеќе од 75 проценти мислат дека Македонија оваа влада ја движи во погрешен правец и дека оваа влада треба да си замине, порача лидерот на партијата ВМРО-ДПМНЕ Христијан Мицкоски од Кавадарци.
-Новата влада предводена од ВМРО-ДПМНЕ ќе се фати во костец со решавање на проблемите и ќе ги решава проблемите согласно можностите кои што ги има. Но, важно е дека очекуваме мотивирани, храбри луѓе, луѓе кои што знаат како да дојдат онаму каде што им е местото во владата и во институциите и да го олеснат животот на граѓаните исто онака како што тоа го прават овие 5 месеци градоначалниците на ВМРО-ДПМНЕ и градоначалникот Митко Јанчев овде во Кавадарци, изјави Мицкоски.
Денес тој заедно со градоначалникот Митко Јанчев беше на отворање на градскиот пазар во Кавадарци после 60 години.
-Овој капитален проект ќе обезбеди навистина пристојни и би рекол европски услови за луѓето кои што овде ќе работата, ќе ги продаваат своите производи и ќе обезбедуваат егзистенција за своите семејства, посочи лидерот на партијата ВМРО-ДПМНЕ Христијан Мицкоски.