Министерството за надворешни работи предмалку испрати соопштение до јавноста во кое апелира македонските граѓани кои што во моментов се наоѓаат во Турција да останат на безбедни локации.

„Ве известува дека континуирано ја следи состојбата во Турција и е во постојан контакт со Амбасадата на Република Македонија во Анкара и Генералениот конзулат во Истанбул.

Воедно, ги известува сите македонски граѓани кои се наоѓаат во овој момент се наоѓаат во Турција да останат на безбедни локации, да не ги напуштаат хотелите и објектите каде што се сместени и да избегнуваат собири на јавни локации.

За сите прашања поврзани со безбедноста на македонските граѓани кои во моментот се наоѓаат во Турција, молиме да се обратите на отворените телефони во нашите дипломатско-конзуларни претставништва во Анкара и Истанбул или во Министерството за надворешни работи.“, се вели во сооптението од МНР