Федерика Могерини на почетокот на ноември ќе патува за Вашингтон во обид да го убеди Доналд Трамп дека нуклеарниот договор со Иран мора да остане во живот.
Овој договор е “клучен за безбедноста на регионот”, изјави денес шефицата на ЕУ дипломатијата зборувајќи во името на сите 28 земји членки на ЕУ.
Во однос на големите тензии и нуклеарните закани од режимот на Северна Кореја таа изјави дека е потешко да се отвори дијалог или посредништво со Северна Кореја доколку договорот со Иран биде напуштен.
Доналд Трамп се закани пред неколку дена дека во секој момент може да стави крај на меѓународниот договор кој има за цел да го спречи Иран да направи атомска бомба. Со своите вчерашни изјави, американскиот претседател ги загрижи сите земји потписнички на овој договор потпишан во 2015 година по 13 години интензивни преговори. А помеѓу потписничките е и ЕУ.