Published: Tuesday, June 2, 2020 11:54
Министерството за внатрешни работи (МВР) во соработка со Државниот пазарен инспекторат (ДПИ) досега извршиле вкупно 2.184 контроли во угостителски објекти, при што е констатирано дека 24 не ги спроведуваат одлуките на Владата.
Од вкупниот број контроли, 1.573 се направени за време на викендот (петок – недела) и 483 во текот на вчерашниот ден (понеделник). Натамошното постапување по однос на констатираните непочитувања е во надлежност на ДПИ, стои во соопштението на МВР.
Од таму апелираат до граѓаните да ги почитуваат одлуките на Владата кои се однесуваат на соодветна употреба на заштитна опрема, а угостителските објекти да ги преземат сите мерки за нивно соодветно спроведување.