Прилично добро се одвива целокупниот процесот на вакцинација, а денес веројатно ќе ја надминеме бројката од 500 илјади вакцинирани граѓани со најмалку една доза, од нив над 330 илјади се веќе ревакцинирани, соопшти министерот за здравтство Венко Филипче.
– Добро се одвива и теренската вакцинација, околу 20 илјади граѓани се вакцинирани. Помеѓу 3000 до 5000 дневно се вакцинираат со теренската вакцинација. Во однос на заболените, некаде 92 пациенти има заболени од 330 илјади кои се ревакцинирани. Во проценти тоа би значело дека само околу 0,02 проценти се заболени. Што значи дека вакцината е корсна и граѓаните треба да се вакцинираат. Важно е да се вакцинираат и вработените во градинките и училиштата за да може да почнат со работа овие установи од септември, рече Филипче.
Тој потенцира дека прилично добро се менаџираат пунктовите во здравствените домови.
– Чекавме да помине масивниот интерес за ревакцинација, затоа ќе бидат затворени дел од спорстките сали за вакцинација и сметам дека вакцинацијата треба да продолжи да се извршува во здравствените домови, додаде Филипче.
Министерот уште еднаш потенцираше дека засега нема да бидат воведени никакви рестриктивни мерки.
– Размислуваме дали ќе се воведат мерки во септември или почетокот на октомври. Се размислува да се воведат рестрикции за тие што не сакаат да се вакцинираат бидејќи го загрозуваат здравјето на останатите. Засега нема нови заболени од делта сојот во нашата земја, рече министерот.
Тој посочи дека околу 630 деца под 18 години се веќе вакцинирани, а лекарските екипи остануваат на терен, додека псоел 14 август ќе се интензивира кампањата за вакцинација.