Published: Monday, December 20, 2021 11:12
Извршниот директор на „Тесла“, Илон Маск одговори на Твитер на повикот на американската сенаторка Елизабет Ворен, пишувајќи дека ќе плати повеќе од 11 милијарди долари данок оваа година.
На почетокот на минатата недела, Ворен преку Твитер го прозва Маск да престане „да се влече на сметка на сите други“ и да плаќа данок.
Маск и одговори дека „ќе плати повеќе даноци оваа година од кој било Американец во историјата“.
Маск моментно е најбогатиот човек на светот, а неговата компанија „Тесла“ вреди околу 1.000 милијарди долари. Во изминатите неколку недели, Маск продаде акции на „Tесла“ во вредност од речиси 14 милијарди долари.