Во Кривичниот суд започна главнта расправа за предметот „Труст“ на СЈО, во кој во кој првообвинет е бизнисменот Сеат Кочан и уште две физички и три правни лица, меѓу кои и управителите на фирмите „Трансмет“, „Силекс“ и „Вато“ ДООЕЛ од Студеничани за учество на тендер на Електрани на Македонија.
Одбраната на Кочан, на второобвинетиот Василија Авировиќ и на третообвинетиот Сафет Ватиќ, се обидоа да го вратат случајот на почеток, односно на подготвителна расправа.
Но судијката Лидија Трајковска Зимбовска го отфрли барањето на адвокатите на одбраната, наместо главна расправа, да се одржи подготвителна расправа. Обвинителот Гаврил Бубевски им ги подели цедињата и од доказите од истрагата, по што немаше пречка да се премине на воведни зборови и изјаснување на обвинетите за вина.
Претходното судско рочиште на 7 ноември беше одложено, бидејќи адвокатите на одбраната ја немале добиено листата со докази што ги предлага Специјалното јавно обвинителство.
Според обвинението, осомничените со фалсификувани документи местеле тендери во ЕЛЕМ во вредност од 17 милиони евра.
Предметот, како што објави СЈО, е оформен врз основа на три прислушувани разговори, од кои два необјавени во јавноста од 3.8.2011 и 6.10.2011 година.
По двомесечното бегство, откако му беше одредена мерка притвор, Кочан се врати во земјава и си ја обезбеди слободата со гаранција од близу еден милион евра во движен и недвижен имот.
Фирми на Сеад Кочан и Љубисав Иванов – Ѕинго под истрага на СЈО
На 18 октомври Основниот суд Скопје 1, го прифатил обвинителниот акт за случајот „Труст“, во кој првообвинет е бизнисменот и сопственик на ТВ Нова, Сеад Кочан. Обвинението за „Труст“ е напишано на 57 страници, од кои на 50 се наведени доказите. СЈО за овој случај навело и сослушување сведоци.