Шефицата на Европската комисија Урсула фон дер Лајен најави дека во Хаг ќе се формира меѓународен центар за гонење на злосторствата во Украина.
Фон дер Лајен е во Киев, каде што таа и други претставници на ЕУ се во посета за да ја покажат својата поддршка и воена, финансиска и политичка помош за Украина во пресрет на годишнината од руската инвазија.
„Меѓународниот центар ќе го координира собирањето докази, ќе биде поврзан со заедничкиот истражен тим поддржан од нашата агенција Еуроправда“, рече таа.
Претседателката на Европската комисија Урсула фон дер Лајен во разговор со претседателот Володимир Зеленски ја истакна непоколебливата поддршка на ЕУ за Украина.
„Путин се обидува да го негира постоењето на Украина, но наместо тоа ја ризикува иднината на Русија“, рече Фон дер Лајен.