Француската јавност не може да се помири со болната елиминацијата на ПСЖ во Лигата на шампиони. „Светците“ понесоа 4:о од Париз во Барселона, но Каталонците во реваншот славеа да триумфираат со 6:1 и тие да бидат учесници во четврт-финалето во елитната конкуренција.
Тамошните медиуми со денови го анализираат натпреварот на „Кмап Ноу“ во обид да ги лоцираат и причините што доведоа до него. Најпрво се насочија на германскиот судија Денис Ајтекин чија арбитража и онака се најде под лупа на УЕФА. Забелешките кон него беа за двата досудени пенала за Барселона, пред се оној вториот за 5:1. Потоа на ред дојде тренерот Унаи Емери кој не успеа да ја сочува екипата на земја по убедивата победа на домашен терен, а сега има и нови лица на тапет.
Прст е вперен во двајцата играчи за врска, Блас Матуиди и Марко Верати. И францускиот и италијанскиот репрезентативец одиграа под ниво во Шпанија, но тоа не е повод за обвинувањата на нивна сметка. Угледниот спортски весник „Лекип“ објави информација во која тврди дека првотимците на ПСЖ си дозволиле опуштање на луда забава во ноќта меѓу понеделникот и вторникот и, според очевидци, останале до три часот наутро.
Организатор на приватнот настан бил познатиот производител на спортска опрема „Пума“ во еден, како што пишуваат медиумите, париски дистрикт. Меѓу ВИП гостите биле и Матуиди и Верати, а присутните ги забавувала музиката звезда Ријана. По напуштање на забавата едвај стигнале да се дотераат и да се појават на аеродромот „Бурж“ од каде експедицијата на ПСЖ во вторникот наутро отпатува во Барселона.
Сето ова што излегува во француските медиуми и, особено ова последното што го објави „Лекип“, е доволен показате колку „светците“ се опуштија по блескавата партија и убедлива победа пред своите гледачи. Ги потценија возвратните 90 минути, мислејќи дека работата е завршена, но веројатно заборавија дека во нив се прашува и Барселона, еден од најдобрите светски тимови и не смее туку-така да се отпише предвреме.
Информацијата на „Лекип“ сигурно ќе придонесе за дополнителен без меѓу фановите на ПСЖ кои им организираа непријатен дочек од Барселона по шокот што го преживеаја на „Камп Ноу“.