Над 80 отсто Холанѓани денес излегле да гласаат на парламентарните избори. Овој редок и висок просек на излезност е силен сигнал дека холандските граѓани излегле масовно да гласаат за да му го затворат патот до власта на екстремно десниот Герт Вилдерс и неговата партија ПВВ.

Според холандските медиуми некои гласачки места во Ротердам и Хаг останале отворени и по 21 часот поради долгите редици и масовната заинтересираност на граѓаните да го дадат својот глас. На сите што чекале во долги редици им било озвозможено да гласаат иако определеното време било надминато во овие два града.

Во Ротердам имало толку многу граѓани во гласачкото биро на централната станица што властите советувале да одат да гласаат на друго место.

Во Хаг десет мобилни екипи имале задача да циркулираат низ градот за да се биде сигурен дека сите гласачки бироа имаат доволен број гласачки ливчиња.

Освен тоа 25.000 нови гласачки ливчиња биле испечатени во текот на денешниот ден во Амстердам. Медиумите јавија дека други барања за нови ливчиња биле испратени речиси низ целата земја.

Во Холандија граѓаните сами бираат на кое гласачко место ќе гласаат па од тие причини сите места морале да бидат снабдени со доволно материјал.

Првите резултати од излезните анкети покажуваат дека партијата на актуелниот холандски премиер Марк Руте е победник на парламентарните избори. Зад него е најголемиот негов ривал Партијата за слобода на антиимигрантот и еден од најголемите расисти во Европа, Герт Вилдерс.

За резултатите на овие избори прочитајте тука.