Шпанскиот кошаркар Хозе Калдерон договори раскин на договорот со Лос Анџелес Лејкерс во замена за соработка со Голден Стејт каде му подготвија да задолжи и дрес со бројот осум. Но, откако стана слободен играч, се случи драматичен пресврт во ситуацијата и трансферот пропадна.

Со повреда се здоби Кевин Дурант што ги принуди вориорси да бараат замена за него, па Калдерон падна во втор план. Бидејќи имаат едно место во составот, а Дурант и Калдерон не играат на иста позиција, стана јасно дека Шпанецот ќе извиси.

„Го повикав и му ја објаснив ситуацијата. Беше тешко ама се оддолживме“, рече Стив Кер, тренер на Голден Стејт.

Вориорси, сепак, направија гест за почит кон Калдерон. Потпишаа договор со него на само 80 минути за да му исплатат 415.000 американски долари бидејќи поради нив се раздели со „езерџиите“.

„Калдерон го прифати нашиот предлог. Станува збор за голем играч и професионалец. Свесен сум дека го доведовме во ужасна ситуација“, дополни Кер.

Шпанецот, се чини, нема да остане долго без ангажман. За него има интерес од други клубови во НБА лигата, а наводно Атланта е најконкретна и најупорна притоа, а Голден Стејт потпиша со крилниот кошаркар Мет Барнс.