Леброн Џејмс ноќеска стана најмлад играч со 27.000 постигнати кошеви во НБА лигата. Во тоа успеа во победата на Кливленд против Вашингтон со 105:94. Ѕвездата на кавалирси учествуваше со 27 поени со што го мина Коби Брајант, досегашен рекорден во оваа статистичка категорија. Кон нив додаде 10 скока и пет асистенци.
До рекордот стигна со својот седми кош во мечот, првиот период го заврши со 11 на контото и на фантастичен начин го заокужи престојот во главниот град на САД каде Кливленд беше гостин и на претседателот во заминување, Барак Обама и неговата сопруга Мишел.
Ова остварување е само едно во низата што се сопственост на Џејмс. Единствен е засега со најмалку 2.000 коша и по 500 скока и асистенции во најмалку седум сезони и има најмногу трипл-дабл ефекти со најмалку 30 поени во финалните натпевари во американската професионална кошаркарска лига.
НБА лига
Резултати
Шарлот – Торонто 111:113
Орландо – Јута 74:87
Филаделфија -Индијана 109:105 (по продолженија)
Вашингтон – Кливленд 94:105
Бостон – Њујорк 115:87
Оклахома – Л.А. Клиперс 108:110
Сан Антонио – Детроит 96:86
Портланд – Сакраменто 122:120 (по продолженија)