Џејмс Харден го предводеше Хјустон до важна победа на гостувањето во Тексас. „Ракетите“ го совладаа Сан Антонио со 101:99 во одличната вечер на нивната прва ѕвезда во тимот кој забележа трипл-дабл ефект. Мечот го заврши со 24 поени, 12 скока и 15 асистенции, Рајан Андерсон му помогна со 20 коша, Ерик Гордон уфрли 15. На „спарс“ не им беа од корист ниту 34 поени на Леонард, останатите беа под ниво во натпреварот.
Филаделфија останува без победа во НБА лигата во оваа сезона. Беше блиску во дуелот со Индијата што на крајот им припадна на „пејсерси“ со 122:115 ппо продолженија. Одлична партија во основниот дел од средбата имаше Џеф Тог, засилувањето од Атланта, кој постигна 30 коша, работите во свои раце во екстра баскетот ги презеде Пол Џорџ. Со своите седум поени во дополнителните пет минути ја реши средбата.
Лос Анџелес Клиперс дојдоа на скор од 7-1 по убедливиот триумф над Портланд со 111:80. Товар презедоа тројца кошаркари и успешно се носеа со анемичните „блејзерси“. Најрасположен меѓу нив беше Блејк Грифин со 22 коша и 13 скока додека целата стартна петорка на поразената екипа беше задржана во рамки на 10 поени.
НБА лига
Резултати
Индијана – Филаделфија 122:115
Њујорк – Бруклин 110:96
Орландо – Минесота 107:123
Вашингтон – Бостон 118:93
Шарлот – Јута 104:98
Атланта – Чикаго 115:107
Оклахома – Торонто 102:112
Феникс – Детроит 107:110
Сан Антонио – Хјустон 99:101
Голден Стејт- Далас 116:95
Л.А. Клиперс – Портланд 111:80