Голден Стејт со најубедлив триумф во деветте натпревари во НБА лигата во изминатата ноќ. Втората екипа во Западната конференција (биланс 14 победи – 5 порази) го совлада Чикаго, фенерџија на Истокот и најслаб тим во лигата во оваа сезона (три победи – 14 порази), со дури 49 поени разлика (143:94).
Свое шоу во мечот имаш Стеф Кари. Бекот шутер на вориорси само во вториот период постигна 26 коша од 45 колку што запиша целата екипа, а на крајот заврши со 33 поени кон кои додаде седум скока, четири асистенции и две украдени топки. Одлична партија и на Клеј Томпсон кој уфрли 29 поени против булси.
Кливленд го совлада Шарлот со 100:99 за седма победа на кавалирси во низа. Неверојатно издание притоа имаше Леброн Џејмс кој против хорнетси запиша нов трипл-даб во кариерата (22 коша, 14 скока, 13 асистенции). На спротивната страна Двајт Хауард заврши со дабл-дабл ефект (20 поени, 13 скока).
Бостон се врати на победите. Селтикси ноќеска го совладаа Орландо 118:103 во меч што беше решен уште на полувреме (73:47). Нова одлична партија прикажа Кајри Ирвинг (30 поени), Џонатан Симонс беше најефикасен кај „магичните“ со 14 коша.
НБА лига
Голден Стејт – Чикаго 143:94
Феникс – Њу Орлеанс 91:115
Денвер – Мемфис 104:92
Оклахома – Детроит 98:99
Минесота – Мајами 97:109
Индијана – Торонто 107:104
Кливленд – Шарлот 100:99
Бостон – Орландо 118:103
Атланта – Њујорк 116:10