Коронавирусот дефинитивно влијае на спортот и преку барата, а она што со денови се најавуваше, конечно, доби епилог. Раководството на НБА лигата донесе одлука за суспензија на сезоната на неодредено време по потврдата на позитивен тест на Ковид-19 кај кошаркар на Јута. Резултатите од неговиот примерок пристигнаа непосредно пред мечот со Оклахома, меѓутоа заразеното лице не беше во салата.
„НБА ги суспендира сите мечеви во наредниот период. Паузата ќе ја искористиме за преземање на наредните чекори во склад со пандемијата на коронавирус“, се наведува во соопштението на лигата.
Американски ЕСПН пренесува дека заразениот играч на „џезерите“ е Руди Гобер поради што и нивниот натпревар против „тандерси“ беше откажан. Покрај тој меч, ноќеска од претпазливост беше откажана и пресметката меѓу Сакраменто и Њу Орлеанс бидејќи судијата Кортни Киркленд во понеделникот беше дел од судискиот колегиум на средбата меѓу Јута и Торонто во Солт Лејк Сити.