Published: Saturday, April 26, 2025 18:47
Во израелски воздушен напад врз трикатна зграда во Газа се убиени 10 лица, од кои половина се деца.
Три жени и пет деца се меѓу загинатите во воздушните напади рано наутро во населба во западниот дел на градот Газа, соопшти болницата Шифа, која ги прими телата.
Израелската армија соопшти дека нападнала скривалиште на милитанти на Хамас.
Хамас денеска објави дека испратил делегација во Каиро за да се обиде да го обнови примирјето, кое беше нарушено од израелското бомбардирање минатиот месец.
Израел вети дека ќе ја продолжи војната сè додека не бидат вратени сите заложници и додека Хамас не биде уништен или разоружан.