Вицепремиерката и министерка за одбрана, Радмила Шекеринска и аташето за одбрана на Норвешка Егил Далтвеит потпишаа Протокол за донација од Норвешка за Република Северна Македонија во потрошен медицински материјал во вредност од 100.000 евра.
Овие средства, соопштија денеска Министерство за одбрана, се дополнување на 200.000 евра што Норвешка веќе ги обезбеди преку Агенцијата за поддршка и набавка на НАТО.
„Чекорот на Норвешка е уште еден во низата позитивни примери на помош и поддршка на членките на НАТО кон Република Северна Македонија, како искрено добредојде на нашата земја во Алијансата“, стои во соопштението на МО
Како што се појаснува во соопштението, вкупниот износ од 300.000 евра ќе се искористи за обезбедување медицински материјал и опрема наменети за мобилната болница ROLE 2 MTF, која е исто така норвешка донација и која Министерството за одбрана и Армијата ја поставија до Клиниката за инфективни болести во Скопје, со што се овозможија дополнителни 130 до 200 болнички легла.