Два пати во пет дена белгиските служби за итна помош ја евакуираа новата зграда на Советот на министрите на ЕУ во европскиот кварт во Брисел и одлучија да го “преселат” во друга зграда самитот на ЕУ закажан за четврток и петок.
Вработените во Советот денес беа евакуирани поради чад што излегувал од кујната на ресторанот цо зградата што го носи името “Европа”.
Чадот се формирал поради интеракција на два хемиски продукти за чистење. Сите 25 вработени во кујната имаа симптоми на повраќање и пецкање во очите. Од нив 24 без однесени во болница за дополнителни испитувања но сиот персонал на Советот, околу 150 лица, мораа да ја напуштат зградата.
Во петокот дојде до истото сценарио кога 20 лица вработени во кујната имаа исти симтпоми на повраќање и пецкање во очите. Деветмина беа однесени во болница но брзо беа пуштени дома.
Системот на вентилација беше исчистен во текот на викендот и на вработените им беше речено дека во понеделник можат да се вратат на работа. Сепак, истиот инцидент се случи и денес и официјалното објаснување за инцидентот е исто како и во петокот.
Службите на Советот одлучија да го преселат самитот на лидерите на шефови на држави и влади на ЕУ закажан за утре и задутре во истата зграда, информира соопштение на Советот.
Самитот на ЕУ ќе се одржи во старата зграда на Советот што го носи името “Јустус Липсиус” и се наоѓа на 100 метри од новата зграда “Европа”.
“Европа”, зградата градена според сите еколошки стандарди, беше инагурирана пред неполна година.