Американската агенција за глобални медиуми (УСАГМ) е револтирана од извештаите дека над 180 новинари – вклучително и на Гласот на Америка (ВоА) и Радио Слободна Европа (РСЕ) наводно биле мета на софистициран шпионски софтвер од воена класа, соопшти УСАГМ.
– Таргетирањето на приватни разговори на новинари е неприфатливо на кој било начин. Оваа злоупотреба мора да престане, а новинарите мора да бидат заштитени, изјави вршителката на должност извршен директор на Агенцијата за глобални медиуми, Келу Чао.
Преку софтверот „Пегаз“ на изреалската компанија НСО се шпионирале и стотици активисти. Главен таргет биле политичари, однсно шефови на држави и премиери.
Софтверот може од далечина да влезе во било кој мобилен телефон преку инсталација на нови апликации како што се „Viber“, „WhatsApp“… Тој добива пристап до сите инфомации, вклучувајќи телефонски броеви и документи, а корисникот на телефонскиот уред не може да го забележи тоа. Софтверот може да следи и преку „GPS“ системот, да снима преку камера и да прислушува преку микрофонот. Софтверот „Пегаз“ ги напаќа „Android“ и „iOS“ системите на смарт телефоните.
Макрон бил шпиониран преку „Пегаз“, тој не е таргет – тврдат креаторите на софтверот