Американскиот помошник државен секретар за европски и евроазиски прашања, Викторија Нуланд и партиите ги разгледале различни опции за функционалноста на СЈО, група на судии кои би биле вклучени во вид на специјално одделение во МВР, за истрага на случаите како и специјално судско одделение, дознава НОВА од извори блиски до преговорите.
Тоа би биле посебни одделенија кои би функционирале како дополнителна, односно клучна поддршка за процесуирање на случаите на СЈО. Разговарано е и за продолжување на мандатот на СЈО за што опозицијата не се спротивставува.
Во однос на изборите ноември е датумот за кој постои согласност кај партиите, но ДУИ, ДПА и СДСМ бараат тие избори во ноември да бидат одржани само доколку реформите се постигнат и се исполнат условите, односно прочистување на Избирачкиот список и медиумите, одвојување на државата од партија, што било приритет во разговорите на Нуланд.
Нуланд денеска оствари средби со претставници на медиумите, граѓанскиот сектор, специјалната обвинителка Катица Јанева и лидерите- потписници на Пржинскиот договор.