Светскиот економски форум, 48-ми по ред, започнува на 23 а ќе трае до 26 јануари во Давос, Швајцарија.
На овој годишен состанок ќе присуствуваат најважните светски лидери, од политичари до најуспешни бизнисмени, академици како и организации и претставници на граѓанскиот сектор.
Пораката на која се основа собирот во Давос гласи „Креирање на заедничка иднина во скршен свет“, а фокусот е на меѓународната соработка, безбедноста, глобалната економија и животната средина.
И овој форум доаѓа во време на истакнати геостратегии, воени конфликти на Блискиот Исток, тензијата на Корејскиот Полуостров и проширувањето на Европската Унија.
„Нашиот свет е напукнат од зголемената борба помеѓу нациите и длабоките поделби во општеството. Повеќе од кога било клучна е соработката. Нашиот годишен собир има за цел да ги соедини интересите помеѓу нациите и да даде поттик за целосна посветеност во инклузивен раст“, изјави непосредно пред почетокот на форумот, професорот Клаус Шваб, кој е основач на Светскиот економски форум.
Воведното обраќање е резервирано за премиерот на Индија, Нарендра Моди, а гости во Давос ќе бидат и американскиот претседател Доналд Трамп, потоа канцеларката Ангела Меркел, премиерите на Италија и Обединетото Кралство.
Ќе присуствува и претседателот на Франција, Емануел Макрон, канадскиот прмиер Џастин Трудо, претседателото на Европската комисија, Жан-Клод Јункер и многу други важни политички претставници од секаде од светот.
Ќе бидат присутни 340 политичари.
Учество во Давос имаат потврдено и генералниот секретар на Обединетите Нации, Антонио Гутерес, Роберот Азеведо, претседателот на Светската трговска организација, претседателот на Светската здравствена организација и ред други претставници од безбедносната, економијата, културата и слично.
Македонскиот премиер Зоран Заев, во Давос на 24.јануари, ќе оствари директна средба со својот грчки колега, Алексис Ципрас.