Published: Sunday, June 6, 2021 09:24
Од понеделник (07.06.2021) при влез во Грција задолжително ќе се тестираат сите лица постари од шест години, а сите кои ќе покажат позитивни резултати на ковид-19 ќе мора да одат во десетдневен карантин. Измените ги потврди заменик министерот за цивилна заштита, Никос Хардалиас, дополнувајќи дека групните посети од 20 лица ќе бидат дозволени само на отворени простори.
Остануваат во сила претходно донесените правила за патување во оваа земја:
1. Пополнет PLF формулар кој се наоѓа на страницата travel.gov.gr
2. Доказ за имунизација со било која вакцина при што ревакцината да е примена пред најмалку 14 дена. Ако патникот не е вакциниран потребен е негативен PCR тест кој не треба да е постар од 72 часа.
Ако, пак, станува збор за патник кој го прележал вирусот, мора да поседува потврда дека боледувал од ковид-19 во период од два до девет месеци пред да оди во Грција и тоа го докажува со позитивен тест од коронавирусот кој бил направен тогаш или со антигенски тест.