Пораз и победа на македонската машка одбојкарска репрезентација во двомеч со Шведска во рамки на подготовките за дебитантскиот настап на Европското првенство што од 13 до 29 септември ќе се одржи во Словенија, во Франција, во Белгија и Холандија.
„Спартанците“ вечерва во СРЦ „Кале“ загубија од скандинавскиот спаринг партнер со 2:3 (по сетови 21:25, 25:20, 20:25, 25:21, 13:15). Првиот дуел, пак, ` припадна на македонската селекција со 3:2 (по сетови 18:25, 25:21, 25:11, 14:25, 16:14).
Во продолжение на подготовките, одбојкарите ќе настапат и на турнирот „Бранко Хаџииљоски Чајка“ на 30/31 август во Тетово каде во полуфиналето ќе играат со Украина, а во вториот меч со Белгија или Бугарија во зависност од исходите во мечевите, а до стартот на ЕП е договорен и двомеч со Австрија во Сент Полтен.
Македонската репрезентација на ЕП 2019 ќе игра во групата Ц во Љубљана (арена „Стожице“) против Финска (12 септември, 17.30 ч.), против Турција (13 септември, 17.30 ч.), против Русија (14 септември, 17.30 ч.), против Белорусија (16 септември, 20.30 ч.) и против Словенија (17 септември, 17.30 ч.).
Претстојното Европско првенство во машка конкуренција ќе биде прво со 24 национални тима и прво што ќе се игра во четири држави. Македонската и репрезентацијата на Црна Гора ќе учествуваат како дебитанти, титулата ќе брани Русија.
Завршниот викенд на ЕП 2019 ќе одржи во „АкорХотелс“ арена во Париз чиј капацитет е 15.609 седишта.