Македонија ја искористи првата меч топка за место на Фајналфор турнирот во Европската лига во одбојка. „Црвено-црните“ во меч што заврши пред малку во Тирана ја поразија Шведска со максимални 3:0 (по сетови: 25:16, 25:22, 32:30) и уште во воведното коло на вториот турнир во групата А се потврдија како дел од најдобрите четири во натпреварувањето.
Избраниците на Драгутин Балтиќ се лидери во својата конкуренција со 12 бода и единствени без во Европската лига за оваа година. Од 18 часот од „Олимпик парк“ во Тирана ќе играат селекциите на Албанија и на Азербајџан.
Утрешен противник на Македонија ќе биде Азербејџан (15 ч.), а во недела од 18 часот и Албанија на затворање на групната фаза.
Сигурни учесници на Фајналфор се Данска, како домаќин, и Украина како првопласирана репрезентација од групата Б. Македонија со денешниот триумф го обезбеди врвот во групата А, а четвртиот патник во Гентофте (подобрата второпласирана селекција) ќе биде познат по комплетирање на настапите во Тирана.