ЖРК Вардар е нов регионален ракометен владетел во женска конкуренција. „Црвено-црните“ го архивираа првиот трофеј во третото учество во ВРХЛ лигата по победата над Будуќност со 27:25 (полувреме 15:14) што претставива одлична увертира пред дуелот со ЧСМ Букурешт во полуфиналето на завршниот турнир во Лигата на шампиони.
Тамара Мавсар со шест гола и Андреа Пенезиќ со пет беа најефикасни вардарки, примат што воопшто во натпреварот го понесоа гостинските ракометарки Кристина Неагу и Катарина Булатовиќ кои постигнаа по осум погодоци.
Бронзениот медал на турнирот во Скопје го освои екипата на Крим Меркатор која во дуелот за трето место беше подобра од Подравка со 31:25 (полувреме 13:13). Лара Хрнчич со осум гола беше прв стрелец на средбата, нејзините клупски колешки Тамара Георгиев и Алја Корен додадоа по пет, а македонската репрезентативка Мирјета Бајрамовска заврши со еден погодок. На спротивната страна Мариета Видак реализира седум гола.
Покрај победничкиот пехар, како колективна награда, две вардарки добија и индивидуални признанија. Амандин Лејно беше прогласена за најдобар голман, а Андреа Пенезиќ за најдобар играчи. Топ голгетер на лигата е Кристина Неагу, репрезентатовка на Романија во дрест на црногорскиот првак.
Фајналфор – регионалната ВРХЛ лига во женска конкуренција
Финале: ЖРК Вардар – Будуќност 27:25
За трето место: Крим Меркатор – Подравка 31:23