Одлука на Град Скопје: Два милиона денари парична помош за семејствата на жртвите во автобуската несреќа

Град Скопје ќе додели два милиона денари за семејствата на загинатите во автобуската несреќа што се случи пред два дена во Бугарија.

На предлог на градоначалничката Данела Арсовска, Советот на Град Скопје на својата наредна седница ќе одлучува за доделување парична помош во знак на солидарност кон семејствата и почит кон настраданите.

„Градот Скопје уште еднаш изразува длабоко жалење и сочувство до семејствата на настраданите, а на повредените им пожелува побрзо закрепнување“, информира Град Скопје.