Во последен момент ќе се договора датумот за референдум и референдумското прашање. Пред истекот на рокот до кога Собранието треба да донесе одлука за распишување на референдумот, партиите најверојатно на лидерска средба, наредниве денови ќе ги договораат деталите и изборот на Државната изборна комисија која треба да го спроведе референдумот.
„Очекувам да нема услови кои би го попречиле одржувањето на референдумот.Очекувам со лидерот на опозицијата и на другите партии да ги дефинираме сите чекори и процесот за организаирање на референдумот. Очекувам ДИК да се формира брзо“ рече денеска премиерот Заев.
Од СДСМ и од ВМРО ДПМНЕ за НОВА ТВ потврдија дека Законот за финанисарање на партиите е делумно усогласен и наскоро може да се испрати во Собранието на гласање. Со овој Закон се предвидува буџетско финансирање на парламентарните и вонпарламентарните партии. Но, овој Закон е само еден од двата услови што ги постави ВМРО ДПМНЕ за изборот на ДИК. За барањето за „пржинска влада“ нема најава од ниту една партија дека е подотвена на отстапки.
Во Законот за Влада пишува дека премиерот ќе отстапи од својата функција 100 дена пред одржувањето на парламентарните избори и ние тоа го подржуваме рече Заев.
„ Кога се формираше техничката Влада, во Пржино, опозицијата вети дека повеќе нема да ги објавува т.н „бомби“ и ќе ги достави до Специјалното јавно обвинителство. Тоа беше дел од договорот со кој Македонија почна да излегува од политичката криза. Не гледам потреба за тоа сега, но знам дека наша должност е да овозможиме нашите граѓани да се изјаснат на овој „историски“ референдум“ кажа Заев.
Од СДСМ велат дека „ВМРО ДПМНЕ со поставувањето на услови за изборот на ДИК, сака да го блокира одржувањето на референдумот“.
Опозцијата објаснува дека „пржинската влада“ на која инсистираат значи не само смена на премиерот со технички премиер, туку и смени во Министерството за внатрешни работи и за труд и социјала каде би дошле кадри од опозицијата, која исто така би добила и заменици министри во четири други министерства.
„ Пржинската Влада беше договорена уште во март. Тоа што сега се предомислуваат , има само една логика а тоа е дека планираат да ги местата следните избори“ изјавија од ВМРО ДПМНЕ за НОВА ТВ.
Според Законот за референдум, Собранието треба да го распише рефрендумот 60 дена пред да се одржи. Ова значи дека доколку рефрендумот се планира да се одржи кон крајот на септември, тогаш најдоцна кон крајот на овој месец пратениците да донесат одлука, а претседателот на Собранието да ја потпише одлуката за одржување на референдумот.