Каналите за комуникацијата за надминување на спорот остануваат отворени, иако вестите од политичката сцена во Бугарија не се охрабрувачки, изјави македонскиот министер за надворешни работи, Бујар Османи за ќор-сокакот во кој западна источниот сосед околу формирање на новата влада. Со тоа се надвисна и неопходноста за дополнително време за македонската Влада да добие партнер во Софија во разговорите за „дигање“ на ветото што ќе значи и деблокада на евроинтеграцискиот процес на земјава со Европската Унија (ЕУ).
Од Бугарија, за жал, не добиваме охрабрувачки сигнали за формирање на новата влада, но и институции што се покажаа како фактор за надминување на разликите околу спорот, истакна Османи.
Османи го повтори својот став дека политичка влада не е неопходна, бидејќи политичката одлука била донесена лани во март, па првата меѓувладина конференција требала да биде само техничко исполнување.
Но, тоа очигледно се покажа како неможно. Ситуацијата во Бугарија е таква да одлуката не може да се донесе без политички институции, вели Османи.