Published: Monday, December 4, 2017 13:35
Полицијата во Малта денеска уапси осуммина осомничени за убиството на новинарката и блогерка Дафне Каруана Галиција, на два месеци по загинувањето откако експлодираше нејзиниот автомобил, соопшти премиерот Џозеф Мускат.
Осомничените се малтешки државјани и повеќето имаат криминално досие. Полицијата има рок од 48 часа за распит на осомничените.
53-годишната Каруана Галиција беше убиена на 16 октомври со бомба која беше поставена во нејзиниот автомобил. Таа водеше популарен блог каде објавуваше случаи за наводна корупција на високо ниво од страна на политичари од различни партии.
Основачот на Викиликс, Џулијан Асанж, понуди награда од 20.000 евра за информации што ќе доведат до апсење на убиецот на новинарката од Малта, Дафне Каруана Галиција.