Една млада жена им подлегна на повредите што ги здоби во денешниот вооружен напад на Универзитетот во Хајделберг, објавија германски безбедносни извори кои нагласија напаѓачот си го одзел животот.
Полицијата првично јави дека четири лица се повредени во денешниот напад. Нападот го извршил маж, кој подоцна извршил самоубиство, изјави извор цитиран од агенцијата ДПА.
Млада жена почина во болница од здобиените прострелни рани, изјави попладнево извор од германските безбедносни сили за француските медиуми.
Нападот на најстариот универзитет во Германија беше извршен во амфитеатар и полицијата верува дека напаѓачот дејствувал сам.
Веруваме дека имало само еден сторител. Сега не гледаме опасност за јавноста, соопшти полицијата еден час по пријавата за настанот.
Според весникот „Билд“, напаѓачот бил студент и откако повредил неколку лица, го свртел оружјето кон себе.
Неговиот идентитет не е објавен, а истражителите велат дека тој немал верски или политички мотиви.