Во Кривичниот суд во Скопје денеска почнува судењето за нападот врз пратеничката Радмила Шекеринска, за време на настаните во Собранието од 27 април.
На почетокот на август Јавното обвинителство поднесе обвинение против напаѓачот на Радмила Шекеринска, П. А. Според обвинението, напаѓачот ќе одговара за сторено кривично дело – насилство.
За ова кривично дело предвидена е казна затвор во траење од 3 до 10 години.
Пратеничките Шеќеринска и Касапи – моментите меѓу животот и смртта
Осомничениот се товари дека за време на настаните во Законодавниот дом повлекол за коса пратеничка во македонското Собрание, а оштетената во настанот се здобила со тешка телесна повреда, што посочува на нападот врз пратеничката Радмила Шеќеринска за време на крвавиот четврток.
Напаѓачот претходно беше на распит во јавното обвинителство, а за дел од медиумите изјави дека не ја нападнал Шекеринска, туку сакал да помогне. Тогаш Радмила Шекеринска се здоби со тешки телесни повреди.
Ова е еден од првите предмети кои се процесираат за нападот, откако судот донесе пресуда за деветмина кои поминаа со условна казна.