Ако се суди според подготовките за третот гренслем во сезоната, тогаш Новак Ѓоковиќ е подготен за напад на тронот. Вимблдон почнува во понеделник, а српскиот тенисер ќе влезе во него со титула од АТП турнирот во Истбурн. Тој во финалето го совлада Французинот Гаел Монфис со 6:3, 6:4 за само втора титула во 2017 година по премиерната во Доха во јануари и вкупно 68 во кариерата.
Очекувањата за завршниот меч во Истбурн се однесуваа на возбуда, неизвесност, три сета што се темелеа и на непредвидливиот Монфис меѓутоа и на исцрпувачкото полуфинале на Ѓоковиќ со Медведев. Но, четвртиот светски рекет заигра како во најдобрите негови денови и за 77 минути ја забележа 14 победа во исто толку пресметки со ривалот од Франција.
Турнирот во Истбурн е од АТП серијата 250 и се играше за награден фонд од 635,660 евра.
АТП Истбурн/серија 250/награден фонд 635,660 евра
Финале
Ѓоковиќ (1., Србија) – Монфис (2., Франција) 6:3, 6:4