Хрватска ја совлада Нигерија со 2:0 во Калининград за затворање на првото коло во групата Д на Светското фудбалско првенство во Русија. „Коцкестите“ во целост се оправдаа во улога на фаворити и со автоголот на Огенекаро Етебо во 32. минута и на капитенот Лука Модриќ во 71. минута од пенал дојдоа до првите три бода на мундијалот.
https://www.youtube.com/watch?v=PoBy4D_B2Bo
Репрезентацијата предводена од Златко Далиќ е лидер на табелата во својата конкуренција со оглед на изненадувачкото реми на Аргентина со Исланд. Потврда се очекува на првото место се очекува веќе во наредното коло во кое „коцкестите“ ќе излезат на мегдан на Лионел Меси и компанија. Нигерија, пак, шанса за поправен ќе има против цврстите Исланѓаните кои на старот одолеаја на двократниот светски првак.
Хрватска – Нигерија 2:0 (1:0)
Стадион во Калининград. Гледачи: 31.136. Гл. судија: Сандро Ричи. Асистенти: Емерсон де Карвалјо и Марсело ван Гасе (сите тројца од Бразил). Ж. картони: Ракитиќ, Крамариќ (Хрватска); Еконг (Нигерија). Стрелци: Етебо 32’ (автогол), Модриќ 71’ (п) за Хрватска.
Хрватска (формација 4-2-3-1): Субашиќ – Врсаљко, Вида, Ловрен, Стриниќ – Ракитиќ, Модриќ – Ребиќ (Ковачиќ 78’), Крамариќ (Брозовиќ 60’), Перишиќ – Манџукиќ (Пјаца 86’). Селектор: Златко Далиќ.
Нигерија (формација 4-2-3-1): Узохо – Абдулахи, Балогун, Еконг, Идову – Етебо, Ндиди – Ивоби (Муса 62’), Микел (Сими 88’), Мозес – Игало (Ихеначо 72’). Селектор: Гернот Рор.