Published: Tuesday, July 13, 2021 08:50
Србија најверојатно ќе воведе трета доза на вакцина против ковид-19, а препораките до граѓаните ќе бидат објавени до 1 август, објави белградска „Политика“ во денешното издание.
Според весникот, Националното тело за имунизација има постигнато принципиелен договор за аплицирање на уште една доза на вакцина за вакцинирани граѓани. Ова се однесува, пред сè, на оние со слаб имунитет поради други болести, на лица со автоимуни заболувања, на оние кои примаат терапија со која се потиснува имунитетен одговор и пациенти со трансплантирани органи.
Дополнителна доза на вакцина ќе се препорача за оние над 80 години кои имаат некое заболување, како и за помладите граѓани кои имаат кардиоваскуларни заболувања и немаат антитела.