Двајцата новинари, кои ја понесоа Нобеловата награда за мир за 2021 година, по денепната церемонија во Норвешка изјавија дека на светот му е потребно независно известување за да се спротивстави на моќта на авторитарните влади.
Марија Реса од Филипини и нејзиниот колега Дмитриј Муратов од Русија ги одржаа своите нобелови предавања во Градското собрание во Осло. Нобеловиот комитет на Норвешка им ја додели награда за мир за оваа година за нивната борба за слобода на изразување во земјите каде што новинарите се соочуваат со постојани напади, малтретирања и убиства.
Да, ‘ржиме и гриземе. Да, имаме остри заби и силен стисок. Но, ние сме предуслов за напредок. Ние сме противотров против тиранијата, изјави Муратов, говорејќи за новинарите.
Реса, прво лице од Филипините кое ја добило Нобеловата награда за мир, ја опиша новинарската индустрија како мрачна, велејќи дека ерата на натпреварување за вести е мртва.
Треба да му помогнеме на независното новинарство да опстане, прво со давање поголема заштита на новинарите и спротивставување на државите кои ги напаѓаат новинарите, рече таа.
Покрај медал со ликот на основачот на наградата Алфред Нобел и диплома, врачени се и 10 милиони круни (1,1 милион долари), кои добитниците на Нобеловата награда за мир ќе ги поделат меѓу себе.