Ракометарите на Вардар се изборија за ново, трето, учество на Фајналфор турнирите во Лигата на шампиони. „Црвено-црните“ излегоа како севкупни победници во четврт-финалниот двомеч со ПИК Сегед и покрај триумфот на Унгарците на домашен терен со 29:25 (полувреме: 17:9). Залихата што вардарци ја складираа во првиот меч во Скопје, сепак, беше недостижна за составот на Хуан Карлос Пастор.
Најефикасен во реваншот беше Игор Карачиќ со осум погодоци, Даинис Кристопанс постигна пет. Лидер кај унгарскиот претставник беше Бенце Банхиди со седум гола, еден повеќе од Деан Бомбач, пет запиша Дмитри Житников.
Покрај Вардар, пласман на завршниот турнир во Келн обезбедија и екипите на Барселона, на Веспрем и на Кјелце кој изненадувачки го елиминира ПСЖ на поранешниот вардаров тренер и македонски селектор Раул Гонзалез.