Кристијано Роналдо ја расипа прославата на Атлетико Мадрид во прошталното градско дерби на „Висенте Калдерон“. Реал Мадрид славеше во популарното „Мадрилењо“ со 3:0 во дербито на 12. коло во Примера, сите три гола за „кралевите“ беа дело на Португалецот во 23 минута од сллободен удар, во 71 минута од пенал и во 77 минута.
Воведот на натпреварот му припадна на тимот на Диего Симеоне, преку Грисман и Караско, најчесто, се обидуваше до реализација и во продолжение, но таков ефект изостана. Во стартната постава на Зидан се најдоа и Модриќ и Ковачиќ во отсуство на Крос и Касемиро. Французинот на „кралската“ клупа не можеше да смета нниту на повредениот Пепе и недоволно опоравениот Серхио Рамос, па стоперскиот тандем го состави со Начо и Варане кои успеаја да се справат со опасниот напад на „јорганџиите“.
https://www.youtube.com/watch?v=tdUZmIRiktc
Роналдо во целост го оправда епитетот надобар фудбалер во Европа за оваа година. Со хет-трикот стана најдобар стрелец во историјата на Реал Мадрид со 18 гола оставајќи ги зад себе Ди Стефано со 17 и Карлос Алонсо Гонзалез или попознат како Сантилјана со 15.
Тимот од „Сантијаго Бернабеу“ со овој триумф се зацврсти на првото место на табелата со 30 бода, четири повеќе од Барселона која, изненадувачки, ремизира на „Кам Ноу“ во дуелот со Малага (0:0). Атлетико Мадрид е петти со 21 бод. Реал М. сега има 24 натпревари без пораз во Примера. Последниот го доживеа токму од градскиот ривал во февруари оваа година и тоа како домаќин.