Првите разговори по три години меѓу украински и руски претставници во Истанбул за завршување на војната што ја почна Русија завршија по околу 90 минути, соопшти турското Министерство за надворешни работи.
Првично нема информации за резултати или специфична содржина, но со отсуството на рускиот претседател Владимир Путин, кој одби да присуствува на разговорите, очекувањата за значајни исходи веќе беа намалени, пренесе ДПА.
Турскиот министер за надворешни работи Хакан Фидан на денешниот трилатерален состанок на Турција, Русија и Украина во рамките на мировните преговори меѓу Русија и Украина во Истанбул повика на обновена посветеност на дипломатијата.
Мораме да ја искористиме оваа можност за да напредуваме на патот кон мирот, рече Фидан за време на својот воведен говор, обраќајќи им се на делегациите на Русија и Украина, како и на турските посредници, пренесе Анадолија.
Ова се први директни преговори меѓу Русија и Украина по три години.