Ливерпул останува во исчекување на првата победа во Премиерлигата во 2017 година. Хал, кој се наоѓа во зоната за испаѓање, ги совлада „црвените“ од „Енфилд“ со 2:0 со головите на Ндиаје во 44 минута и Ниасе во 84 минута за петта победа во сезоната.

Последниот триумф на тимот на Јирген Клоп е од 31 декември. Оваа година има само три освоени бода во првенствените пресметки, сите три по реми со Сандерленд, со Манчестер јунајтед и со Челзи и за првпат по 1954 година нема победа во првите пет средби во годината. Моментно е четврти на табелата со 46 бода, 13 помалку од водечкиот Челзи.

Евертон ја доби голеадата на „Гудисон парк“ каде гледачите имаат прилика да видат дури девет гола. Домашните на крајот го совладаа Борнмут со 6:3, а четири од шесте погодоци за популарните „карамели“ беа дело на Ромелу Лукаку во 1, во 29, во 83 и 85 минута. Друштво во листата на стрелци му правеа Мекарти од 24 минута и Баркли во четвртата од судиското продолжение. Два гола за дебитантот во премиерлигашката конкуренција даде Кинг (59 минута и 70 минута) и еден постига Ибе во 46 минута.

Премиерлига, 24 коло

Челзи – Арсенал 3:1

Кристал палас – Сандерленд 0:4

Евертон – Борнмут 6:3

Хал – Ливерпул 2:0

Саутемптон – Вест Хем 1:3

Вотфорд – Барнли 2:1

ВБА – Стоук 1:0

Тотенхем – Мидлсборо (во тек)